Ходулов Дмитрий Федорович

Дмитрий Федорович Ходулов (1912 сыл атырдьах ыйын 4 күнэ, Мэҥэ Хаҥалас улууһа — 1976 сыл алтынньы 3 күнэ, Мэҥэ Хаҥалас улууһа) — саха сэбиэскэй тыйаатыр артыыһа уонна режиссера. ССРС норуодунай артыыһа, Саха АССР норуодунай артыыһа.

Олоҕун олуктара

Баатара нэһилиэгин (билигин Мэҥэ-Хаҥалас улууһа) Булгунньах диэн сиргэ 1912 сыллаахха атырдьах ыйын 4 күнүгэр төрөөбүтэ. 12 саастааҕар дьоно Төхтүргэ көспүттэрэ, онно икки кылааһы бүтэрбитэ, онтон ликбезкэ үөрэммитэ.

20 саастааҕар Д. Ф. Ходулов Дьокуускайга муусука-дыраама тыйаатырын дыраама устуудьуйатыгар үөрэнэ киирбитэ. 1934 сыллаахха үөрэҕин бүтэрэн баран Саха сиринээҕи Ойуунускай аатынан муусука-дыраама тыйаатырын труппатыгар үлэлии киирбитэ. Д. Ф. Ходулов бастакы оруола — В. Чиряев «Саһыл Сыһыы» драматыгар кыһыл армеец.

1960-с сылларга режиссуранан дьарыктаммыта.

Дмитрий Ходулов 1962 сыллаахха туруорбут «Сыгый Кырынаастыыр» диэн испэктээгэ дьон биһирэбилин ылбыт бастакы эпическэй туруоруу буолбута.

ССРС Үрдүкү Сэбиэтин 6-с ыҥырыытын дьокутаата. Саха АССР Үрдүкү Сэбиэтин 5-с ыҥырыытын дьокутаата, Президиумун чилиэнэ.

1977 сыллаахха алтынньы 3 күнүгэр Амма улууһугар бултуу сылдьан өлбүтэ. Дьокуускайга Маҕан кылабыыһатыгар көмүллүбүтэ.

Кэргэнэ — Мария Васильевна Кузьмина (1919—2002), Өлүөхүмэ улууһун Токко сэлиэнньэтиттэн төрүттээх;
12 оҕону төрөппүттэр, иккитэ эһээхэй сылдьан өлбүттэр;
Кыра уола — Александр Дмитриевич Ходулов (1962-2003), худуоһунньук, 1993 сылтан Арассыыйа худуоһунньуктарын Сойууһун чилиэнэ.

Төрөөбүт дойдутугар Сыма нэһилиэгэр Кыраайы үөрэтэр түмэлгэ Ходулов Д. Ф. олоҕор, айар үлэтигэр аналлаах быыстапка үлэлиир;
Аан дойду норуоттарын хомуһун түмэлигжр 1963 сыллаахха Тойбохой орто оскуолатын үөрэнээччилэрэ бэлэхтээбит тус хомуһа харалла сытар;
2020 сыллаахха Мэҥэ-Хаҥалас улууһун Майа сэлиэнньэтигэр Дмитрий Федорович Ходулов аатынан элбэх функциялаах култуурнуай-сынньалаҥ киинэ аһыллыбыта;
2020 сыл алтынньы 7 күнүгэр АЛРОСА хампаанньа «Юбилейнай» туруупкаттан хостообут 75,36 караттаах бөдөҥ алмааһыгар Д. Ф. Ходулов аата иҥэриллибитэ^[2];
2022 сыл ахсынньытыгар Саха тыйаатырын сыанатыгар Дмитрий Ходулов айар үлэтигэр аналлаах өйдөбүнньүк туруоруулары көрдөрбүттэрэ^[3]^[4].

↑ Официальный информационный портал Республики Саха (Якутия):Почетные граждане Мегино-Кангаласского улуса
↑ Копию алмаза весом более 75 карат имени Дмитрия Ходулова передали его дочерям — ЯСИА, Новости Якутии и Якутска — свежие новости онлайн на сайте ysia.ru — ЯСИА (30 Кулун тутар 2024). Сигэнии күнэ: 4 Атырдьах ыйын 2026.
↑ Новое здание дома культуры имени Дмитрия Ходулова открыли в селе Майя — ЯСИА, Новости Якутии и Якутска — свежие новости онлайн на сайте ysia.ru — ЯСИА (25 Ахсынньы 2020). Сигэнии күнэ: 2 От ыйын 2026.
↑ Сегодня исполняется 110 лет выдающемуся якутскому артисту Дмитрию Ходулову — ЯСИА, Новости Якутии и Якутска — свежие новости онлайн на сайте ysia.ru — ЯСИА (4 Атырдьах ыйын 2022). Сигэнии күнэ: 2 От ыйын 2026.