Файрушина Ангелина Егоровна
| Файрушина Ангелина Егоровна | |
|---|---|
| Билэ:Файрушина.jpeg | |
| Сүрүн информация | |
| Төрөөбүт күнэ | 1967 сыл бэс ыйын 6 күнэ |
| Төрөөбүт сирэ | |
| Өлбүт күнэ | 2010 сыл ыам ыйын 23 күнэ (42 сааһыгар) |
| Өлбүт сирэ | |
| Дойду | |
| Идэлэрэ | ырыаһыт, хампаһыытар |
| Үлэлиир сыллара | 1996 — 2010 |
Ангелина Файрушина (1967 сыл бэс ыйын 6 күнэ, Хадан, Саха АССР — 2010 сыл ыам ыйын 23 күнэ, Дьокуускай) — Арассыыйа ырыаһыта, ырыа айааччы, «Сахам сирэ» диэн өрөгөй ырыатын кэриэтэ ылланар ырыа ааптара. Кыргыттара — Ирена уонна Розалина Файрушиналар, ырыаһыттар.
Олоҕун олуктара
- Сунтаар улууһун Хадан нэһилиэгэр 1967 сыллаахха бэс ыйын 6 күнүгэр төрөөбүт. Ийэтэ — Ирина Ильинична Михайлова, учуутал;
- 1996 сыллаахха «Чуона-1996» (билиҥҥитэ «Туой Хайа») ырыа күрэҕин кыайыылааҕа (Гран-при) буолбут[1];
- 2000 сыллаахха «Дьылҕабар махтанабын» диэн бастакы альбома тахсыбыт: онно 12 бэйэтин ырыалара киирбиттэр. Ол альбомтан ордук биллэр ырыалар: «Кыыс тойуга», «Ыллаа, ыллаа», «Ыйдаҥалаах киэһэ»;
- 2005 сыллаахха «Айар саргым — Сахам сирэ» диэн иккис альбома тахсыбыт (12 бэйэтин ырыата киирбит).
- 2007 сыллаахха «Саҥа ырыа» «Саха» НКИХ тэрийбит ырыа күрэҕэр «Ийэ мичээрэ» диэн ырыатынан кыргыттарынаан Иренаны уонна Розалинаны кытта кыттыбыттар;
- 2009 сыллаахха «Ийэ мичээрэ» диэн 21 ырыалаах үһүс альбома тахсыбыт, бу альбомҥа иккилии ырыаны кыргыттара Ирена уонна Розалина толорбуттар. Бу альбомҥа Н. Михалева — Сайа, Н. Харлампьева, А. Кондратьев, И. Зверев уонна бэйэтин хоһоонноругар ырыалар киирбиттэр;
- Өр сыллар устата Сунтаар култууратын дьиэтигэр методист-культурологынан үлэлээбит[2];
- Хас да музыкальнай видеоклип таһаартарбыт;
- 2010 сыллаахха ыам ыйын 23 күнүгэр ыарахан ыарыытыттан олохтон туораабыта[3].
Наҕараадалара уонна ытык ааттара
- Саха Өрөспүүбүлүкэтин култууратын туйгуна;
- «Чуона-1996» ырыа күрэҕин кыайыылааҕа.
Быһаарыылар
- ↑ «Туой-Хайа» открывает новые имена (рус.). Сигэнии күнэ: 13 Тохсунньу 2026.
- ↑ Ангелина ФАЙРУШИНА (рус.). Сигэнии күнэ: 13 Тохсунньу 2026.
- ↑ Якутская эстрада понесла невосполнимую утрату (рус.). Сигэнии күнэ: 13 Тохсунньу 2026.