Саина
| Аата | Саввинова Екатерина Аркадьевна |
|---|---|
| Төрөөбүтэ | От ыйын 17 1971 Саха Сирэ, Россия |
| Хантан | Дьокуускай |
| Жанра | Поп музыка, Этно музыка |
| Идэтэ | Ырыаһыт |
| Инструмена | Ырыаһыт |
| Ыллаабыт сыллара | 1993–2012 |
| Уэбсайт | Саина вконтакте ситимҥэ страницата |
Екатерина Аркадьевна Саввинова — Саина (1971 сыл от ыйын 17 күнэ, Күһүүр[d], Саха АССР) — Саха сирин үтүөлээх артыыһа. «Здравствуй, Якутск» (1997) ырыатынан киэҥ биһирэбили ылбыта.
Олоҕун олуктара
1971 с. от ыйын 17 күнүгэр Булуҥ улууһун Күһүр нэһилиэгэр төрөөбүтэ. Ийэтэ ансаамбыл дирижера, аҕата саксафоҥҥа, кларнетка оонньуур муусука учуутала.
1985 сыллаахха Саха Өрөспүүбүлүкэтин оҕо муусука оскуолатын фортепиано салаатын бүтэрбитэ.
1990 сыллаахха Дьокуускайдааҕы 2 №-дээх педагогика училищетын муусука салаатын «муусукка учуутала» идэлээх бүтэрбитэ.
2005 сыллаахха Санкт-Петербурдааҕы Гуманитарнай Профсоюзтар университеттарын бүтэрбитэ[1].
Айар үлэтэ
Саха эстрадатыгар 15 сыл тухары 4 альбом, 2 видеоклип уонна документальнай киинэ таһаарбыта. Репертуарыгар 20 араас омук тылынан 200-чэкэ ырыалардаах (сахалыы, нууччалыы, эбээннии, эбэҥкилии, долганныы, чукоткалыы, юкагирдыы, дьоппуоннуу, бүрээттии, монгуоллуу, казахтыы, кэриэйдии, украинскайдыы, английскайдыы, францзускайдыы, хиндилыы, болгарскайдыы, итальянскайдыы, испанскайдыы, грузинскайдыы). Фортепианаҕа, хомуска уонна да атын саха инструменнарыгар оонньуур.
2025 сыллаахха Икалуите куоракка (Канада) буолан ааспыт Pan-Arctic Vision норуоттар икки ардыларынааҕы күрэх кыайыылааҕа буолбута[2].
Быһаарыылар
- ↑ Галерея выпускников ДШИ (рус.). Сигэнии күнэ: 9 От ыйын 2026.
- ↑ Якутская певица Саина одержала победу на первом международном арктическом конкурсе в Канаде (рус.). Сигэнии күнэ: 13 Атырдьах ыйын 2026.
Бу ыстатыйаны тупсарарга?: |
.svg){kind=link}