Готовцев Михаил Николаевич

Готовцев Михаил Николаевич
Готовцев Михаил Николаевич
Төрөөбүт күнэ	1946 сыл тохсунньу 2 күнэ (80 саастаах)
Төрөөбүт сирэ	Байаҕантай нэһилиэгэ, Уус-Алдан улууһа, Саха АССР, РСФСР, ССРС;
Дойдута	ССРС; Арассыыйа;
Үлэтэ	скотовод
Наҕараадалара уонна бириэмийэлэрэ	;
	Логотип РУВИКИ.Медиа Биики Хааһахха миэдьийэ билэлэр

Гото́вцев Михаи́л Никола́евич (1946 сыл тохсунньу 2 күнэ, Байаҕантай нэһилиэгэ, Саха АССР) — «Удьуор» бааһынай хаһаайыстыба баһылыга. Арассыыйа Федерациятын Үлэтин Дьоруойа (2014). Үлэ Албан аатын уордьанын толору кавалера. Саха Өрөспүүбүлүкэтин ытык киһитэ^[1].

Олоҕун олуктара

1946 сыл тохсунньу 2 күнүгэр Уус-Алдан улууһун Байаҕантай нэһилиэгэр Ыарҕа диэн сайылыкка төрөөбүт. Танда орто оскуолатын бүтэрэн баран, комсомол ыҥырыытынан Герой Егоров аатынан совхоз «Мечта» диэн ферматыгар ыанньыксыттаабыт. Фермаҕа биэс сыл үлэлээн баран, Ленинградтааҕы ветеринарнай институтка үөрэнэ киирбит. Институтка 3 эрэ сыл үөрэммит, ыалдьан үөрэҕин салҕаабатах. Ол кэннэ дойдутугар кэлэн салгыы ыанньыксыттаабыт.

1984 сылтан саҕалаан республикаҕа ыытыллар тыа хаһаайыстыбатын быыстапкаларыгар кыттар, кини ииппит сүөһүлэрэ хас да төгүл үрдүк наҕараадалары ылбыттар. 200-н тахса төбө боруода сүөһүнү республика атын улуустарыгар анаан ииппит.

1984 сыллаахха биир ынахтан 5305 кг үүтү ыабыт. Үлэҕэ үрдүк көрдөрүүлэрин иһин «Үлэ Албан аата» уордьан үс степеннэринэн наҕараадаланан, бу уордьан толору кавалера буолбут.

1994 сыллаахха аймахтарын кытта «Удьуор» бааһынай хаһаайыстыбаны тэрийэн үлэлиир. Хаһаайыстыба 3 үлэһиттээх, 132 гектар сирдээх, биир МТЗ‑82 трактордаах.

Россия Президенин 2014 сыл муус устар 20 күнүнээҕи Ыйааҕынан, өр сыллаах сыралаах үлэтэ үрдүктүк сыаналанан, Россия Федерациятын Үлэтин Геройун аата иҥэриллибит.^[2].

Наҕараадалара уонна ытык ааттара

Российскай Федерация Үлэтин Геройа;
Үлэ Албан аатын уордьанын толору кавалера;
Саха Өрөспүүбүлүкэтин норуотун хаһаайыстыбатын үтүөлээх үлэһитэ;
Ю. Н. Прокопьев аатынан бириэмийэ лауреата^[3];
Саха Өрөспүүбүлүкэтин ытык киһитэ (2013)^[4]
Уус-Алдан улууһун ытык киһитэ;
Үлэ Дьоруойун Михаил Готовцев аата Саха Өрөспүүбүлүкэтин тыа хаһаайыстыбатын министерствотын дьиэтигэр туруоруллубут «Слава героям сельского хозяйства» өйдөбүнньүк билиитэҕэ үйэтитиллибит (2012)^[5];
Санкт-Петербургтааҕы судаарыстыбыннай ветеринарнай медицина академиятын бочуоттаах профессора (2014)^[6];
2016 сыллаахха Михаил Николаевич Готовцев аата Уус-Алдан улууһун Танда орто оскуолатыгар иҥэриллибит^[7].

Быһаарыылар

↑ Герой труда Михаил Готовцев отмечает 75-летний юбилей (рус.) (26 Тохсунньу 2026).
↑ Указ Президента Российской Федерации от 20 апреля 2014 года № 257 «О присвоении звания Героя Труда Российской Федерации» (рус.). Сайт Президента России (26 Тохсунньу 2026).
↑ Готовцев Михаил Николаевич (рус.). Сигэнии күнэ: 26 Тохсунньу 2026.
↑ О присвоении почётного звания «Почётный гражданин Республики Саха (Якутия)» Готовцеву М. Н. (биллибэт) Официальный информационный портал Республики Саха (Якутия). Сигэнии күнэ: 26 Тохсунньу 2026. Архивировано 6 Ыам ыйын 2014 года.
↑ Увековечены имена Героев сельского хозяйства (биллибэт). Официальный информационный портал Республики Саха (Якутия). Сигэнии күнэ: 26 Тохсунньу 2026. Архивировано 6 Ыам ыйын 2014 года.
↑ Якутянину — Герою труда РФ вручили диплом почетного профессора Петербургского вуза (рус.). Сигэнии күнэ: 26 Тохсунньу 2026.
↑ Готовцев Михаил Николаевич (рус.). Сигэнии күнэ: 26 Тохсунньу 2026.

[a1-1] Герой труда Михаил Готовцев отмечает 75-летний юбилей (рус.) (26 Тохсунньу 2026).

[2] Указ Президента Российской Федерации от 20 апреля 2014 года № 257 «О присвоении звания Героя Труда Российской Федерации» (рус.). Сайт Президента России (26 Тохсунньу 2026).

[3] Готовцев Михаил Николаевич (рус.). Сигэнии күнэ: 26 Тохсунньу 2026.

[4] О присвоении почётного звания «Почётный гражданин Республики Саха (Якутия)» Готовцеву М. Н. (биллибэт) Официальный информационный портал Республики Саха (Якутия). Сигэнии күнэ: 26 Тохсунньу 2026. Архивировано 6 Ыам ыйын 2014 года.

[5] Увековечены имена Героев сельского хозяйства (биллибэт). Официальный информационный портал Республики Саха (Якутия). Сигэнии күнэ: 26 Тохсунньу 2026. Архивировано 6 Ыам ыйын 2014 года.

[6] Якутянину — Герою труда РФ вручили диплом почетного профессора Петербургского вуза (рус.). Сигэнии күнэ: 26 Тохсунньу 2026.

[7] Готовцев Михаил Николаевич (рус.). Сигэнии күнэ: 26 Тохсунньу 2026.

[1]

[2]

[3]

[4]

[5]

[6]

[7]