Горнай улууһа

Горнай улууһа Горный улус
Гиэрбэтэ	Былааҕа Билэ:Flag of Gornui ulus.jpg
Дойду	Россия
Регион	Саха Өрөспүүбүлүкэтэ
Улуус киинэ	Бэрдьигэстээх
Улуус баһылыга	Андреев Никита Викторович
Иэнэ	45,6 тыһ. км²
Климата	резко-конт
Официальнай ситим-сир

Горнай улууһа — Саха Сирин улууһа. Улуус киинэ — Бэрдьигэстээх бөһүөлэгэ. Нэһилиэнньэтэ — 11 600 киһи (2007 сыллаах ааҕыынан), сирин иэнэ — 45,6 тыһыынча км² эбэтэр Саха Сирин алта уон гыммыт биирэ.

2002 сыллаах сурутуу түмүгүнэн үксүлэрэ сахалар.

Географията

Иэнэ — 45,6 тыһ. км².

Саха сирин киин өттүгэр, сүрүннээн Өлүөнэ хапталыгар сытар. Хотугу өттүгэр — Саха сиринээҕи киин дэхси сир.

Улуус бөдөҥ өрүстэрэ — Синньэ, Ситтэ, Түгүөнэ (Өлүөнэ хаҥас салаалара).

Алта улууһу кытта быысаһар.

Устуоруйата

Улуус 1931 сыл бэс ыйын 25 күнүгэр тэриллибитэ.

Демография

2007 сылга улуус киһитин ахсаана 11 600 киһи.

Билэ:Горный1.png

Сурутуу ыытыллыбыт сыллырга уонна 2007 сылга нэһилиэнньэ ахсаана

Администрацияларынан араарыы

Билэ:Горнай.PNG

Горнай улууһун каартата

Улуус иһинээҕитэ
#	Нэһилиэктэр	Кииннэрэ	Кыра сэлиэнньэлэр	Улуус кииниттэн, км	Почта индексэ	Нэһилиэнньэ ахсаана (2007 сыл)
1	Бэрдьигэстээх	Бэрдьигэстээх	Маай	0		6408
2	Одуну	Маҥырас	Улуу Сыһыы, Харыйалаах	87		978
3	Атамай	Бэс Күөл		100		665
4	Маалтааны	Кэптин	Тоҥ Уулаах, Тыһаҕаччы	188		658
5	Мытаах	Дьиикимдэ	Эбэ	30		650
6	Кировскай	Аһыма	Чэкэ Бэс	30		634
7	Октябрьскай	Күөрэлээх		68		552
8	Солоҕон	Өрт		80		544
9	Маҥаны	Орто Суурт		128		511
	Барыта					11 600

Горнайтан төрүттээх биллэр дьон

Билэ:Znak Narod RSYa.png Мамаев Иван Федорович (1893—1954) — саха норуодунай худуоһунньуга, муосчут.

Билэ:Znak Narod RSYa.png Данилов Софрон Петрович (1922—1993) — саха норуодунай суруйааччыта.

Билэ:Znak Narod RSYa.png Тарасов Савва Иванович (1934—2010) — саха норуодунай поэта, тылбаасчыт.

Билэ:Znak Narod RSYa.png Захарова Раиса Яковлевна (1954—2013) — саха норуодунай артыыһа, ырыаһыт.

Филиппова Августина Николаевна (1948 төр.) — Саха Өрөспүүбүлүкэтин культуратын үтүөлээх үлэһитэ, дизайнер.

Контоев Герман Степанович (1971 төр.) — көҥүл тустууга олимпийскай чемпион.

Контоев Александр Степанович (1981 төр.) — көҥүл тустууга үрүҥ көмүс олимпийскай чемпион.

Тимофеева Кристина Владимировна (1993 төр.) — Аан дойду оҕунан ытыыга чемпиона.

Үөрэҕирии

11 оскуола баар:

• «Владимир Дионисьевич Лонгинов аатынан Атамай орто оскуолата»,
• «Филиппов Василий Васильевич аатынан Бэрдьигэстээхтээҕи улуус гимназията»;
• Сэмэн Петрович Данилов аатынан «Бэрдьигэстээх орто оскуолата»;
• «Афанасий Николаевич Осипов аатынан Бэрдьигэстээхтээҕи сорох предметтэри чиҥэтэн үөрэтэр орто оскуола»;
• «Софрон Петрович Данилов аатынан Дьиикимдэтээҕи орто оскуола»;
• «Савва Иванович Тарасов аатынан Өрт орто оскуолата»;
• «Кэптин орто оскуолата»;
• «Кировскай орто оскуолата»;
• «Степан Гурьевич Ковров аатынан Күөрэлээх орто оскуолата»;
• «Степан Иванович Тимофеев — Кустуктаанап аатынан Маҥаны орто оскуолата»;
• «Лука Никифорович Харитонов аатынан Маҕарас орто оскуолата».

Кэрэхсэбиллээх сирдэр

• Сиинэ туруук хайалара
• Дьахтар күөлэ